تبلیغات
کلام من القلب الی القلب - ابوذیات ملافاضل السکرانی
علی مع الحق والحق مع علی

یراكب اسرع الممشه وبلی جد
لخویه تكله و اتخبره بالیجود
تمنیت الطفوف اتظل بالیجود
ویواسی بمهجة والروح أخیة


بلسانی العلیل ایلوج یـومای

ومن حزنی گرب للموت یومای
دمعة حزن تهمی العین یـومای
اهل ادمـوعی دم لبن الزجیـه


طوه ضلعی على العریس واحنه

وحنین النوگ احن اعلیه واحنه
تحـنی الـوادم الجفین واحنه
نحـنی اجفوفنـه ابـدم المنیه


مثل حزنی حزن ما شفت والمای

ولا تـلاوم علیـه محب والمای
عجیبه من الفرات انحرم والمای
ابویه عراق و افدی بل منیه


ابیوم اهلال شهر الحزن منهل

بجیت آنه وجریت الدمع منهل
تـذكرنی الغرب ابیوم منهل
على الفراك حتى كلیبی كطعته


غریبه ولاوطن عندى ولادار

وحولك ما خلص یبنی ولادار
یبنی اجفاك مرمـرنی ولادار
بحلیبك یاحبیب تعود الیه


ولیدی راح من ایدی واهو شاب

وشاب الراس لفراگه وهو شاب
ما شب نـار دلالی وهو شـاب
نیرانـی ورحل مـن بین ادیـه


:

شجیت انه وجریت الدمع منهال
وحنیت الضلع یوم الصاح منهال
صحت ویلاه یا ویلادی منهال
علیكم صحت وین الی یجاوب علیه


یخویه الضمه نار احرگت یوفـی

عرفنه اللى یواعـد وعد یوفـی
حاشاه العـزیز ایخون یوفـی
بن امی نفس نهض ا لیـه


شكول للحر ما واحد نجلهـا

وچم حره انچتل باالعراق نجلها
المدینه ما نحب نوصل نجلها
نرید انخیم بـوادی الـمنیه


كثیره اجروح یبن امی ترابیك

عفت الدار وعیونی ترابیـك
چانت تسهر لیالی وترابیك
متكلی اشوكت اتعود الیه


انگطع حبل الوصل بینی وبینه

وذخرته والـعمد هّو وابینـه
إلمن اشتكـی هـمی وابینه
واخبره اشوكت ایعوّد علیـه


جروحك بیش اداویهن والفهن

مو جرحین حتى اگعد والفهن
حایرانه بعدهن ولفهن
وراحن اجروحی كلهن علیه


توجّل گـلب الحنینـه علمها

یولی وحست بـوحشه علمها
ساعه من وگع الحبیب علمـها
لطمت عـالوجه منین یرجع الیه


قطار العـز تعدانـه ومـرنـه

وعلینه مـا نشد واحد ومرنـه
عگب عینك یا صاح وامرنـه
بـهاى انفوضه لـرب البریـه


علینه اطلع یبو صالح ولمنـه

تراها الناس ماداوت والمنـه
انت الامـل یلغایب والمنه
وبلسم انت لجروحی الخفیه


تركنی الدهر بـالغربه بلاسم

وضعف حیلی ومرد چبدی بلاسم
واكید الفرج لجروحی بـلاسم
یبلسمها ویـرد روحـی الـیه


تمر انخاك یا عراقی علیهـم

واخبرك كلب كل منهم علیهم
وطنه الكل جفت عنه وعلیهم
گلبی وگـربت منـه المنیـه


الك بگلوبنه من الشعر نـادی

رطب ذكرك بگلب المحب نادی
یا عراق بیوم الحشر نـادی
محبینك یـجوك اعلى الندیـه


ربینه اعلى حبك احنه علینـه

نصیح بشده لـوطحنه علینه
یا عراق جـارت الدنیـا علینه
ورمتنه بـدار غربه واجـنبیه


انامر بالصبر روحی ونهواى

وكثیر اتعد مصایبها ونهواى
الوادم بالهوه اتساهر ونهواى
یعتنی بیك صبح ومسـیه


انا مو عن طمع جیتك وانحبیت

سعیت ازحوف اجی لگبرك وانحبیت
جرت لحبك ادموعی وانـحبیت
اون وابچی على فراكك علیه


یربی لحضرت الـمولى ودینه

نـوفی انذورنـه ل الله ودینه
یربی اصدورنه ضاگت وادینه
الك مرفوعه تدعی بكل مسیه


یا صاح الدهر عگبك هضمنی

وطحنی ابین چفینه هضمـنی
اتمنه افتح لحـد گبرك ها ضمنی
ودخلصنی یا بویه داروا علیـه


یا عراق تحن الك عینی و نهبای

یعانی الگلب لفراگ ونبهاى
تحن لزیارتك روحی وان بهاى
اغـص بعبرتی صبح ومسـیه


حنینی لیك یا عراق هوایه

ودمعی الماخلص بحره هوایـه
حبك علم صار النـه هوایـه
كتبها اعلى الگلب رب البریه


ننخه باسمك احنه تـرى دوم

ونهل دمع الحزن لجلك ترى دوم
چم مره انصدع گلبی وتـرادم
ویّ الصـبر والهـم والاذیـه


حسبـه تروح عنی والف یبرن

وما صدگ اجروح الگلب یبرن
وحكك طابن اضلوعك ویبرن
وانه لسـا اضلوعی اتعن علیه


احن لفراگك ابن امی واناصیح

الك ماضل ضلع سالم وناصیح
یخی چنت النه وانـاصیح
وعگبك مابجت اخوانی علیه


تعال وشوف كلبی من بعدكم

حزین ومایحب احد بعدكم
لوطال العمر وانتو بعدكم
یضل حبكم بكلبی للمنیه


اشلون انساك وانت مای عینای

اخوی اوللیضدنی بیك عینای
اتمنى لیك كل مصباح عینای
ولكن ما یصح وصلك بدیة


یمینی الك ممدوده ویسرای

اخوی انت ابعسر حالی ویسرای
قیس انت سر الوادم وی سرای
الیعجبك والتریده بس كوله الیه


كبر العمایـم تصدعنـی بغیـر اصـلاح

شطـار فی لفـها لكـن بغیـر اصـلاح
فی طیها الجـهل مع سـاس الغبـاوة لاح
شـی الفایـدة هالكبـر لفـه بلیـا نـفع
لا منفعـه للوطـن لا علـم بـه منتـفع
ما همهم غیر قرض العرض وتر وشـفع
فلیسقط اللاف ولیحیى العظیـم اصـلاح


علیه اسهام وكتی النوب ینجال

اوماضل عدل بالمیزان ینجال
سألته لحم اخوك المیت ینجال
یكلی الوكت شرعا حلال الیه


نصحته اولا نفـــع ویاه نصحای

سكاره احنه بهــواه مابعد نصحای
جفانی وصرت نصی میت نصحای
نحیـــل ولا اثــــر لحمات بیه


روحی والهوى ودنیای وعدای

واشلون اشیل الجدم وعدای
صابر وانتظر واشـوف وعدای
ابفرح لو دوم وكـتی محیط بیه


العاذل غیر اطباعك ولاشاك

وتخاصمنا وصرت خسمی ولاشاك
الذهب غیرك على احبابك ولاشاك
وخصام انكلب كل ودك علیه


إجبود ابجمر من الوكت ملت

وكَلوب الناس من الهجر ملت
مرابط خیلك من الخیل ملت
وبیض اسیوفكم امست صدیه


یادنیا لیش بعذابی تسعین

وربعی وقت الحلو صاروا تسعین
وبویا لیش من بعد عام تسعین
كلهم مامروا علیه


یارایح هاك كتابی ویاك وصلة

عالمدری هله واعمامة منین واصلة
كله الكلب بجفاك صار 12 وصلة
كل وصلة تكول جیبه الیة


بعد لاتظن اراسلهم وصلهم

بسبب لن جان قطعو وصلهم
ارخصك هل العاذل وصلهم
انتهیت بعد لایمرون بیه




طبقه بندی: اشعار باللغة الدارجة، 
نگارش در تاریخ سه شنبه 20 خرداد 1393 توسط سیدعبداللطیف صُبــاح الموسوی | اكتب تعلیقا ()
درباره وبلاگ
موضوعات
آخرین مطالب
جستجو
آرشیو مطالب
نظر سنجی
نظر شما در مورد وبلاگ من چیه؟






نویسندگان
پیوند ها
پیوند های روزانه
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بازدید :
آخرین بروز رسانی :


دانلود اهنگ

دانلود

دانلود رایگان

دانلود نرم افزار

دانلود فیلم

دانلود

شادزیست

قالب وبلاگ

لیمونات

شارژ ایرانسل

تک باکس

دانلود نرم افزار